WILLEMSTAD- Djadumingu dia 30 di ougùstùs 2015 Moises de Marchena & Sons agente di Becel a organisá e kaminata “Ban Move Awor” pa yuda konsientisá komunidat di Kòrsou kon importante moveshon ta pa e kurason, e salú i alabes yuda Curaçao Heart Foundation.

E aña aki 3000 hende a koperá i kumpra T-shirt di e kaminata “Ban Move Awor” patrosiná pa BECEL, Universal Motors KIA, Maduro & Curiel’s Bank, Lions Club i TCFM. Partisipantenan a haña un oportunidat úniko pa midi nan preshon promé ku kuminsá kana. E kaminata “Ban Move Awor” a yuda generá NAf. 25.000,- pa Curaçao Heart Foundation. Ku e donashon aki Curaçao Heart Foundation por sigui ku e bunita trabou ku nan a bin ta hasi pa e komunidat di Kòrsou. Entre otro preparando hopi hende ku kursonan esensial ku por yuda skapa bida. Gerensia di Moises de Marchena & Sons ta gradisí e spònsernan Universal Motors KIA, Maduro & Curiel’s Bank, Lions Club i TCFM ku a djòin BECEL den e bunita proyekto di “Ban Move Awor”, Curaçaosche Atletiek Bond pa guia e kaminata i naturalmente tur e 3000 hendenan ku a koperá pa e kaminata “Ban Move Awor” tabata unu Sold Out i super eksitoso.