Willemstad Sèptèmber 2015 – En konekshon ku benta di e supsidiario di UTS na Sürnam ‘UNIQA’,  entrante 16 di sèptèmber 2015, Sürnam lo no forma parti mas di Chippieland. No opstante esaki, e numbernan di UNIQA lo no kambia. Aktualmente Chippieland (un pais virtual kaminda tin netwerk di Chippie) ta konsistí di Kòrsou, Boneiru, Sint Maarten (parti Hulandes i Franses), Saba, Sint Eustatius, Sint Kitts & Nevis i Sürnam. Usuarionan di Chippie ta disfrutá di diferente benefisio den Chippieland. Esnan ku ta biaha p’e islanan aki i ta hasi yamada ku nan Chippie pa un otro Chippie òf ta hasi uso di nan data den nan bundle, ta paga e tarifanan lokal. Pues no tin gastunan di roaming ora biaha pa un destinashon den Chippieland. Manera ya menshoná ariba kaba, entrante 16 di sèptèmber próksimo, Sürnam lo no pertenesé mas na Chippieland i esaki lo trese kuné ku entrante e fecha aki,  klientenan lo tin ku tene den konsiderashon e siguiente kambionan:

• Tarifanan di roam lo ta aplikable ku nan Chippie pa bos i data na momentu ku nan bishitá Sürnam.
• Tambe usuarionan di Chippie ku hasi yamada pa Sürnam for di kualke destinashon den Chippieland lo bai paga e tarifanan internashonal vigente pa e destinashon ei.
• Ademas klientenan Chippie ku ta bishitá Sürnam lo mester bai marka e kódigo di pais Sürnam (+597) promé ku e number di UNIQA ku lo bai keda eksistí.

Pa informashon tokante roaming i tambe e tarifanan internashonal pa yama Sürnam for di Kòrsou, bishitá www.uts.cw.