‘FALALALA’ 

ORANJESTAD– E temporada cu ta trece famia, colega, amistadnan hunto ta yegando y Renaissance Convention Center ta bon prepara pa celebra e ocasion special aki hunto cu pueblo di Aruba. E aña aki e team di Renaissance Convention Center a scoge como tema ‘FALALALA’. E ta priminti di bira un celebracion cu un briyo espectacular. Aruba ta conoci como un destinacion ideal pa celebracion di fin di aña. Pa e motibo aki Renaissance Convention Center semper ta agrega caracteristicanan internacional na e celebracion tradicional di fin di aña p’asina garantisa un experiencia sin igual pa e bishitante y comunidad Arubano. Cu su elegancia y personal atento Renaissance Convention Center lo ta escoho perfecto pa un y tur celebra. Durante e presentacion di e aña aki, cu a tuma lugar diahuebs ultimo invitadonan por haña un aperitivo di loke e fin di aña 2015 lo trece cu’ne; decoracion luhoso acompaña cu miles di luznan di Pasco! E colornan berde, cora y blanco ta trece e toke tradicional cu nos tur a custuma cu’ne y a combina esaki cu un tint moderno. Tur esaki lo wordo crea pa e team profesional di Renaissance Convention Center.

Pa complace e smaak di cada cliente, Renaissance a compila un menu fantastico. Tambe a crea un buffet cu diferente segmento pa e invitado mes por scoge loke e kier come na e porcion cu e ta desea. Cada menu lo ofrece un variacion amplio di diferente pan, sopi, salada, dessert station. Esunnan cu ta amante di tradicionnan culinario di Pasco lo keda encanta cu e ‘carving station’. Ademas di esaki, lo tin menu special pa esunnan cu ta amante di cuminda di lama tambe. Pa loke ta trata bar,e team di Renaissance Convention Center a traha paketenan atractivo cu ta duna e cliente opcion di ‘non-alcoholic open bar’, ‘sodas, juices, wine and local beer open bar’, ‘sodas, juices, wine and imported beer open bar’, ‘premium brands open bar’, ‘super premium brands open bar’ y e opcion pa cumpra separa. Ta bon pa pone enfasis cu tur menu lo ta diferente conteniendo su mes specialidad. Prijsnan pa cada opcion di menu ta varia y manera semper Renaissance Convention Center lo no desapunta.

Ta bon pa recorda cu paketenan special y prijsnan detaya ta obtenibel, cada cliente por scoge e pakete cu mas ta cumbini nan famia, compania/ grupo di trabou of grupo di amigo. Renaissance Convention Center ta extende un invitacion na tur esunnan cu ta desea di haci nan reservacion pa sea desayuno, lunch of dinner party pa yama na 523-6403 of 523-6404.