Promé fundraising di Curaçao Lions Club
Willemstad – E aña benidero Curaçao Lions Club ta selebrá su di 70 aniversario. Tema pa e aña di selebrashon ta “70 Years of Community Service”. Den kuadro di e aña di
selebrashon djaweps dia 12 di november Curaçao Lions Club ta presentá un seminario di liderasgo na Sta. Barbara Resort ku ta konta ku presensia di John C. Maxwell. Pa e okashon aki Curaçao Lions Club a afiliá ku Living Leadership Foundation ku ta konosí pa organisá diferente seminario i evento di liderasgo. Ku e seminario Curaçao Lions Club ke empoderá nos hendenan. Invirtiendo den konosementu i kapasidat di liderasgo di nos komunidat, Curaçao Lions Club ke hasi un impakto aun mas positivo riba nos pais. Living Leadership Foundation a wordu fundá pa miembro nan di John Maxwell Team ye organisashon ta un plataforma ku kier duna balornan agregá na profeshonalnan na Kòrsou pa medio di seminarionan i/òf akividatnan di liderasgo. E grandioso seminario aki ta tuma luga djaweps 12 di November na sta barara resort
di 8 am – 5 pm. Karchinan ta na balor di NAf. 625,- i ta inkluí lunch i un rebroadcast di tres oradó sumamente interesante ku ta Patrick Lencioni, Kevin Turner i Valerie Burton ku ta forma parti di e evento “Live 2 Lead”. Banda di esei tin oportunidat pa kumpra bukinan di Jon Maxwell i tin un seshon spesial di firma pa esnan ku kumpra su ultimo buki “Intentional Living” ku ta keda lansa dia 9 di oktober proksimo. Karchinan ta na benta for di awor na landhuis Klein Kwartier durante di ora di ofisina I serka miembronan di Living Leadership Foundation. Mas informashon por hanja riba Facebookpage di e evento www.facebook.com/CLCJohnMaxwell. Por hasi tambe reservashon i kompra di karchi via di e facebook page. Ta bai tin un kampanja di Like & Share riba FB kaminda tin chens di gana un entrada pa e evento. Curaçao Lions Club ta yama Maduro & Curiel’s Bank, patrosinado di e evento aki masha danki. MCB pa hopi aña ta amigu di nos klup sosteniendo diferente aktividat. Tambe un danki special na Refineria Isla pa nan aporte. Y finalmente na Living Proud CLC John Maxwell Event Sponsors: Leadership Foundation ku a sa di afilia ku nos klup pa organisa un tremendo seminario di liderasgo ku John Maxwell.