InselAir ta dal un paso mas den su ekspanshon suramerikano. Dos buelo pa siman pa e kapital di Ecuador.
Willemstad – Kòrsou. Quito ta InselAir su próksimo destinashon na Suramerika. For di 29 di òktober 2015, InselAir ta hiba bo di Kòrsou pa Quito ku un konekshon lizu na Aruba, riba djaweps i djadumingu. Den pasado kaba Quito a prueba di ta un destinashon popular, i InselAir ta spera tambe di transportá hopi pasahero di otro destinashon pa Quito i visevèrsa. Por kumpra teket na kualke ofisina di InselAir i via agente di biahe lokal i online.

Quito

Quito ta kapital di Ecuador, i ta situá na un altura di 9.350 pia (2.800 meter) mas haltu ku nivel di laman. Ku un poblashon di aproksimadamente 2.672.000 hende Quito ta e di dos siudat di mas poblá na Ecuador, despues di Guayaquil. Quito ta e punto di komienso perfekto pa biahero ku ke eksplorá sobrá di Ecuador òf e siudat bunita mes. Un di e atrakshonnan prinsipal ta “Mitad del Mundu” (na mitar di mundu) kaminda hopi turista ta bini pa marka e kulminashon aki riba nan lista di kos di hasi.

 

Tarifa i orario di buelo

InselAir ta ofresé di Kòrsou pa Quito un tarifa di introdukshon di ANG 454 (ida i buelta, sin impuesto di Aeropuerto di Kòrsou). Temporada di buk ta te 29 di aprel 2016 i temporada di biaha ta di 29 di òktober 2015 te ku 29 di aprel 2016. Lo bula ku un Fokker 70 i segun e siguiente orario (tur tempu ta ora lokal).

 

Salida Kòrsou                         Yegada Quito                         Dia

19:35                                       22:30                                       djaweps

19:30                                       22:15                                       djadumingu

 

Salida Quito                           Yegada Kòrsou                       Dia

06:00                                       11:00                                       djabièrnè/djaluna