…Djasabra 28 di sèptèmber próksimo;…

WILLEMSTAD- Sèptèmber 2013: Djasabra 28 di sèptèmber próksimo Banco di Caribe Saliña su lugá di parker lo keda transformá den un showcase ku mas di 20 outo, komo parti di  e grandioso ‘Enjoy your Ride’ outo show, ofresé pa Global Motors i Universal Motors. Durante e ‘Enjoy your Ride’ outo show,tur kliente i tur ku ta deseá di sera un fiansa pa nan outo via di Banco di Caribe lo por probechá di un pakete di finansiamentu kompetitivo inklusivo seguro. Ademas di esaki Banco di Caribe lo ofresé un interes abou di solamente 3.3% (APR 5.91% ) i tèrmino di pago di un máksimo di 5 aña. Ta bon pa menshoná ku e oferta speshal lo ta bálido únikamente riba 28 di Sèptèmber. Pa esnan ku ta deseá di apliká pa un fiansa ‘on the spot’ mester trese;  último 2 slepnan di salario, identifikashon bálido, deklarashon di doño di trabou i e último 2 estadonan di kuenta (si bo no ta kliente di Banco di Caribe ainda). Banco di Caribe, Global Motors i Universal Motors ta invitá un i tur pa pasa i atmirá e modèlnan di KIA i Nissan djasabra awó riba e ‘parkinglot’ di Banco di Caribe for di 9’or di mainta te ku 4’or di atardi. Mayornan por bishitá e outo show ku e muchanan tambe; a prepará un ‘kids corner’ pa nan por dibertí miéntras ‘mama ku papa’ ta atmirá e outonan. Pues djasabra awor 28 di Sèptèmber riba e lugá di parker di Banco di Caribe Saliña skohe e outo di bo smak i ‘Enjoy your Ride’!