…e BlackBerry ku hopi stail a yega Kòrsou…

WILLEMSTAD: Digicel ta lansa e BlackBerry Q5 smartphone nobo pa Caribe i Panamá. E BlackBerry Q5 smartphone ta kombiná e teklado usual di BlackBerry, QWERTY ku un diseño atraktivo i ta bin ku e programa di operashon nobo, BlackBerry® 10 OS version 10.1 software. Kada aspekto di e BlackBerry Q5 smartphone a keda konstruí pa e ta lihé, ofresiendo e usuario un eksperensia úniko pa eksplorá, krea i kompartí miéntras e ta ‘on the go’. E BlackBerry Q5 smartphone nobo lo ta optenibel na tur establesimentu di Digicel pa 849 florin eksklusivo OB. Srta. Thessa Fleming, relashonista publiko di Digicel Kòrsou a komentá, “Nos meta na Digicel ta pa keda ofresé ‘style’ i kalidat na nos klientenan, ku introdukshon di e BlackBerry Q5- nos ta hasiendo esei. E Q5 ta ofresé hopi di e karakterístikanan di e BlackBerry Z10 i BlackBerry Q10 smartphone ku nos ta ofresé na preisnan masha kompetitivo na Digicel.” Komo parti di e eksperensia ku BlackBerry 10 ta ofresé, e BlackBerry Q5 smartphone ta ofresé un eksperensia úniko i ku kontinuamente lo ta adaptando na kada nesesidat di e usuario. Kada detaye a keda diseñá ku avansenan teknológiko den mente, por menshoná e.o e BlackBerry Hub ku ta hasié fásil pa bai di un aplikashon pa otro. Un kámara moderno ku ‘time shift mode’ ku sigur lo yuda e usuario kapturá e momentunan perfekto, tambe e BBM Video ku ‘screen share’ na unda ku fásilmente e usuario por kompartí su video i ta den kontakto ‘face-to-face’. Bishitá BlackBerry World i deskubrí mas di 120,000 aplikashon ku ta na bo disposishon.