Tur 6 ganador a risibí 2 karchi pa e grandioso festival e wikènt aki

WILLEMSTAD, Kòrsou- Sèptèmber- 2015: Tur hende ta klá pa e fin di siman aki disfrutá di e gran CNSJ Festival. Antisipando e wikènt benidero Digicel a duna tur kliente pre-pago oportunidat di partisipá den un sorteo spesial na unda ku nan por a gana 2 karchi. Durante dos dia konsekutivo tur ku a rekargá nan telefon ku ‘voucher’, ‘online’, via My Digicel App, Top Up App òf ATM por a gana. Total a saka 6 ganador. Tabata e siman aki ku e ganadornan Alvin Martis, Joeldrick Chrispina, Angeline Andries, Reagon Koek, Joan Whong i Frederick Scholtz a bishitá Digicel Biesheuvel pa tuma nan premio for di marketing manager di Digicel, Shayenne Rock. Digicel ta spera ku tur kliente disfrutá e fin di siman aki di e tremendo presentashonnan ku lo tin i ta gradisí tur kliente pa partisipá. Keda pendiente pa mas kampaña atraktivo na unda ku e usuario di Digicel semper ta sali ganá.