A rekoudá un rekòrt di Nafl.90.000 pa e Ronald McDonald ‘Family Room’ na SEHOS
Kòrsou, 29 di Ougùstùs 2015 —Djasabra último Ronald McDonald House Charities (RMHC) Curacao Foundation a organisá su di sinku klásiko di gòlf riba Old Quarry Golf Course na Santa Barbara Beach & Golf Resort. E organisadó nan por wak bek riba un torneo super eksitoso kaminda tabatin tremendo ambiente i kompetensia hopi sera entre e timnan. Un torneo ku a sa di krese dòbel na grandi i bira e torneo di Gòlf di mas popular y faborito na Kòrsou!
Mainta a partisipá 17 tim i atardi a partisipá 19 tim, ku a forma un total di 36 tim ku ta konsistí di 4 hungadó den kada tim. E Torneo a krea su nòmber dor di fanátiko nan di gòlf i esnan ku ta sostené RMHC,un gran kousa ku ta tene famia huntu den tempu difísil di enfermedat di nan yu.
Anochi despues di e torneo entrega di premio a tuma lugá riba ‘Hole One’ di Old Quarry Golf Course kaminda tur partisipante por a disfrutá di un‘cocktail party’ ku bufèt den un ambiente plasentero ku entretenimientu di Alexe i Montero y Gilmar Fraites ku un presentashon speshal di e kantante hubenil Evan Huerta. A saka ekipo ganador di terser, di dos i promé lugá entre e timnan di mainta i tambe entre e timnan di atardi. Diferente premio a wòrdu rifa tambe entre e 144 partisipantenan ku tabata opsekio di diferente kompania lokal.
Den e ‘flight’ di mainta, na di tres lugá Tim Lovers, na di dos lugá Tim Govaerts i na promé lugá Tim
McDonald’s 1.
Den e ‘flight’ di atardi, na di tres lugá Tim Lacoste, na di dos lugá Tim Ennia 1, i na promé lugá Tim Ernst & Young.
‘Best Front Course Overall Gross’ a bai pa Tim Costa Rica. ‘Best Back Course Overall Gross’ a bai pa Tim De Makelaar.
E premio grandi ku ta partisipashon na e Ronald McDonald Golf Classic na Puerto Rico den Mart 2016 a keda entrega na Tim Ernst & Young den kual ta tin partisipashon di Vernon Huerta, Olav Verbrugge, Ramon Koffijberg i e streya Andrew Jones ku manera a keda demostrá aki tambe ta destaká su mes den mundu di gòlf. Un pabien ta bai na e tim ganadó y nos ta konta ku boso partisipashon eksitoso na Puerto Rico!
E aña aki ademas nos a konta ku partisipashon di un tim for di Costa Rica y dos for di Aruba, hasiendo e unu ku ta krese internashonalmente tambe.
RMHC Curaçao Foundation ta gradisí tur kompania ku a kontribuí na e evento aki pa RMHC por sigui ku su trabounan karitativo pa yuda nos muchanan i manehá nos ‘Family Room’ na SEHOS.
Un danki na tur spònser di tim i tee’s speshalmente nos spònser prinsipal MCB, McDonald’s, Ennia, Coca Cola, Jeep, All Signs, Polar y Deli Nova. Un danki tambe na tur kompania ku a kontribuí ku premio y restorant nan ku a kontribuí ku un “dinner voucher ” pa kada ekipo ku a partisipá!
Un danki speshal ta bai na tur boluntario ku semper ta disponibel pa yuda RMHC Curaçao Foundation ku e bon kousa: Lilo Sulvaran, Santa Barbara Beach & Golf Resort, Jane Weststrate i su tremendo tim di OId Quarry Golf Course!