“Hende kontentu ta hende energétiko. Nan ta mas sèksi  i atraktivo pa traha  kuné i hasi negoshi“, sigun Ruth Sinkeler. Ruth Sinkeler ta un eksperto den liderazgo , Maneho di Kambio i Felisidat na trabou, lo  na Kòrsou e siman binidero.  Ruth a publiká dos buki ku ta trata e tema aki “Sexy Leiderschap” i  “Happy ondernemers zijn succesvoller”. Pa medio di treinen, coaching  i charlanan inspirativo ,Ruth ta guiá  otronan pa haña nan “sexy-ness”;  Nan kaminda pa éksito personal. Dia 2 di sèptèmber próksimo Ruth lo tin un charla na Blue Marlin basá riba e dos bukinan aki.  Pa un grupo selektivo lo tin posibilidat  pa partisipá den un masterclass yamá Sexy Leadership riba 7 di sèptèmber awor.

Dia 29 di mei 2015 Ruth tabatin un parti aktivo di TEDx women Paramaribo, na Sürnam. Su TED talk a trata kon “Sexy Leadership” ta empoderá hende muhé i asina tresé kambio na mundu. Sexy leadership ta hunga un ròl prominente den nos mundu di negoshi. Ora e individuo, hòmber i muhé, lográ vinkulá ku nan mes i tambe ku  otronan, nan lo tin mas plaser, motivashon i satisfakshon den nan trabou.

Tambe empresarionan, mènèdjernan i CEO ku ta felis i  ku ta sinti nan mes atraktivo, lo funshoná  mihó den e mundu di  korporativo, ku un desaroyo positivo riba nan produktividat, resultando den kresementu i mas ganashi pa e negoshi.

Ruth su bukinan ta kubri diferente tópiko; Sexy Leadership, Empresario felis, liderazgo di UBUNTU i maneho di kambio den organisashon. Ruth ta papia di orígen , pilarnan na lugá di mishon i vishon, un manera nobo di formulá meta pa un negoshi den éksito  pa medio di influenshanan motivá.

E diferente tópikonan  ta di  un meskla úniko di individualismo oksidental  i  balornan afrikano pa komuniká , kombibí i kuido den nos komunidat lo keda  trata den e charla i masterclass den e luna ku ta bini na Kòrsou. Pa mas informashon i pa karchi bishitá e página di The Business Connection Curaçao o por mail na info@thebizconnection.co .