…parti di kampaña ‘Jazz & Cash’ na kaminda pa CNSJ..

WILLEMSTAD/ ougùstùs –  Carnaval Casino su kampaña ‘Jazz & Cash’ ta den ‘full swing’, brindando tur miembro di e casino oportunidat di gana premio kèsh i 2 entrada pa CNSJ tur siman. Pa agregá aun mas tantu espektativa na Curaçao North Sea Jazz (CNSJ) tin presentashon di Perfect Fourth tur djarason. Durante di Perfect Fourth su presentashon di siman pasá nan a keda sorpresá ku un interpretashon di kantante Shirma Rouse ku tabata di bishita. Di forma genuino Shirma a subi kanta impreshoná tur presente.  Esnan ku tabata den Carnaval Casino a pidi pa mas! Pa komplasé petishon di e públiko grandi, Carnaval Casino a invitá Shirma Rouse pa presentá un bes mas huntu ku Perfect Fourth. E presentashon aki lo ta djarason awó dia 26 di ougùstùs próksimo di 9:00pm pa 12:00AM.

Shirma Rouse ta un kantante ku un karera musikal impreshonante. Shirma a establesé su nòmber riba plataforma musikal internashonal trahando ku artistanan manera; Anouk, Chaka Khan, Micheal Bolton, Candy Dulfer, Glennis Grace, Alain Clark i Metrople Orchestra. Su partisipashon na ‘The Voice of Holland’ na 2013 a habri portanan pa un oudiensia hopi grandi pafó di Hulanda. Di e forma aki Shirma a krese komo solista i a logra un oferta diskero na Japan pa di dos bes. Carnaval Casino ta invitá un i tur pa bin presensiá e presentashon spesial di Shirma Rouse kompañá dor di Perfect Fourth djarason awó 26 di ougùstùs. Tur esnan ku ta deseá di partisipá den ‘Jazz & Cash’ por hasi esaki ainda. Ultimo rifanan lo ta dia 26 di ougùstùs i 2 di sèptèmber pa 9’or di anochi. Tur esnan ku a depositá nan kupòn di ‘Jazz & Cash’ lo mester tei presente durante di e sorteonan ku un identifikashon bálido.