Willemstad, Djasabra 22 ougùstùs lo tin e promé oudishon di Luna Yen, e show di talento pa hubentut na sentro di Bario Montaña.

E aña aki Luna Yen lo ta na diferente bario buskando talentonan nobo pa partisipá na e kompetensha di talento aki.

Siman pasa e tim di Luna Yen a bishita diferente skol pa asina motivá e hóbennan partisipá. E reakshon tabata super positivo.

For di djaluna a kuminsá ku e tayernan di baile, kanto i aktuashon na e sentro di bario. E dosente di aktuashon ta Eduard Reineta, dosente di kanto ta Rudaylison Doran i baile ta den man di Segni Bernardina. Nan tres ta yudando e hóbennan ku lo oudishoná pero alabes nan ta trahando riba un presentashon ku e grupo ku a bin spesialmente pa e tayernan so.

E dos grupo aki lo presentá djasabra 22 ougùstùs mitar di seis na e sentro di bario. Entrada ta naf 5,-.

Si bo tin 14 te ku 23 aña i bo ke hasi bo oudishon na montaña, ainda bo tin chèns pa inskribí. Bo mester tei presentá djabièrnè 21 ougùstùs mitar di tres di atardi na sentro di bario Montaña. Si no lo bo tin ku warda e siguiente bario kual ta Tera Kòrá òf Brievengat.

Banko di Caribe, Refineria Isla, Gobièrnu di Kòrsou, Teatro Luna Blou i La Tentashon ta invitábu. Pa mas informashon tokante Luna Yen www.lunablou.com òf nos facebook page: Teatro Luna Blou. Tambe por yama Teatro Luna Blou na 462-2209.