Willemstad – Resientemente Maduro & Curiel’s Bank a hasi entrega di e KIA Rio nobo nobo ku srta. Natasha Mondesir a gana den e gameshow mas eksitante na TeleCuraçao, Bai’e. Natasha a bai representá su tata sr. Dwight Mondesir i suerte tabata kuné ku awe e ta kore un KIA Rio 2015. Señora Ruthsella Jansen, miembro di gerensia di MCB, despues di a risibí e yabi di direktor di TeleCuraçao, Hugo Lew Yen Tai, a felisitá Natasha ku su outo, pero tambe a yama señor Dwight Mondesir masha danki pa skohe pa hasi uso di e servisio di PAGOMATIKO. MCB ta é banko kompleto i inovativo brindando tur kliente diferente servisio i benefisio. PAGOMATIKO ta un servisio di Maduro & Curiel’s Bank ku bo por paga varios resibu, rekargá telefòn prepago i kumpra Pagatinu. Pa hasi uso di PAGOMATIKO no tin gastu adishonal, bo ta paga bo resibu fásil, lihé i kumbiniente na mas ku 100 lokalidat rònt Kòrsou. Por paga ku Kompa Leon, kualke tarheta ku tin Maestro òf kèsh. Tur luna MCB ta saka 2 ganadó ku ta representá Bo Banko Amigu den e gameshow Bai’e, ku chèns di gana sèn kèsh òf un outo nobo. Ora di paga resibu, rekargá telefòn prepago i kumpra Pagatinu pidi pa e úniko servisio ganadó…. pidi pa PAGOMATIKO di MCB!