WILLEMSTAD, At’akí mi boka ta e proyekto edukativo di Stichting Julius Leeft! ku lo presentá djasabra awor 22 di ougùstùs na La Tentashon. Siman pasa djasabra tabata e eksitoso estreno di “SAIDA” De liefde overleeft den Teatro Luna Blou. Stichting Julius leeft! a bin for di Hulanda ku e monólogo “SAIDA” dirigí pa John Leerdam. Mirando e importansia di nos hubentut Stichting Julius Leeft! a haña nesesario pa hasi un proyekto edukativo ku hóbennan di Kòrsou huntu ku Junadry Leocaria. Junadry Leocaria ta un  bailarina i koreografo profeshonal ku a bin for di Hulanda pa krea un presentashon ku e temátika ku ta bin dilanti den Saida, de liefde overleeft. Junadry a traha dos siman largu ku 20 hóben, nan lo presentá djasabra awor e show titulá “At’akí mi boka”. E presentashon lo tuma lugá dia 22 ougùstùs 5or di atardi na La Tentashon, preis pa e presentashon aki ta Fl 5,- i ta optenibel na Teatro Luna Blou. Pa mas informashon por yama Teatro Luna Blou na 462-2209. Por bishita nos página wep: www.lunablou.com òf nos página di facebook: Teatro Luna Blou.