Despues ku tur mucha, hóben i adulto por a disfrutá di nan vakashon,

“Akademia ShowBizz Danny Yanga” ta bolbe habri porta pa asina sigui brinda Kòrsou ku kresementu den e parti di farándula. Akademia ShowBizz ta e Akademia ku a ser funda pa e hóben artista internashonal Danny Yanga ku ta preparando pa start e terser edishon kaminda tur partisipante por haña guia den e parti di kanto, baile i aktuashon. Meta di Akademia ShowBizz ta pa tur persona ku ta deseá por bira aun mas sigur di nan mes, i alabes haña e oportunidat pa por presentá nan mes ku hopi mas konfiansa, no solamente komo un artista, pero esaki ta kontribuí tambe den kada persona su bida personal. ShowBizz ta pa un i tur i ta garantisá desaroyo i kresementu artístiko serka kada un persona ku a partisipá òf a yega na partisipá den e Akademia. Hopi di e partisipantenan ku a pasa den ShowBizz ta destakando i alabes ta riba e ruta pa bira Korsou su futuro artista òf personanan den e rango di presentashon òf entretenimiento. Danny Yanga ta garantisá tur persona ku drenta den ShowBizz por kuminsá mira kambio den e promé kursonan kaba di e Akademia. Loke ta importante ta ku no ta nesesario bo mester ta un persona ku por kanta, baila òf aktua pero e dosentenan di ShowBizz ta guiabo i asina engrandesé e parti ku abo por dominá aun mas mihó pa engrandesé e parti ei. Tur hende ta nanse ku e tres faktornan di entretenimiento ku ta baila, kanta òf aktua i despues ku e persona krese e por sigui desaroyá e partinan ei i hasié komo hòbi òf su pan di kada dia. Kada temporada di e kursonan ku Akademia ShowBizz ta duna ta sera ku un show pa asina tantu famia i konosínan por atmirá kon e partisipante a desaroyá den un temporada kòrtiku di preparashon. ShowBizz ta konosí ku e shownan di klousura ta algu impreshonante i ku e bista pa ku profeshonalismo i alabes internashonal pa loke ta trata e presentashon di e partisipantenan. Ta tuma mucha for di 6 aña te ku e persona di edat haltu ku su deseo ta pa kanta òf entretené òf desaroyá e loke e ta yama hòbi. Pues un invitashon ta bai na pueblo di Kòrsou ku kier partisipá na “Akademia ShowBizz Danny Yanga” pa tuma kontakto na e number menshoná mas abou, pa asina bo registrá i forma parti di Akademia ShowBizz. Danny Yanga despues di a biba i traha 12 aña riba tereno internashonal ta bèk i ta traha duru pa asina nos por tin un Kòrsou kaminda nos por hari, selebrá bida den pas i harmonia i alabes ku nos tur por ekspresá nos sintimentunan i sigui stima otro aun mas tantu. ShowBizz tei pa abo por desaroyá bo talento i den un forma fantástiko. Pa por partisipá den ShowBizz ta fásil djis yama telefòn 560-6225 i asina tuma tur informashon i tokante e kontribushon i reservá bo lugá. Inskripshon ofishal ta dia 5 di sèptèmber na Jeugdcentrale Curaçao (Scouting) pega ku Misa di Groot Kwartier. E orario pa inskribí ta di 11’or pa 2’or di mèrdia.