Habrí 7 dia pa siman, akseso fasíl i fasilidat pa parker gratis.

Willemstad, Korsou. For di djarason 19 di ougustus, 2015, InselAir lo habri su portanan di e ofisina di tiket nobo na Sambil. E ofisina di tiket lo ta habri 7 dia pa siman, djaluna pa djasabra di 8AM pa 9PM i riba djadumingu di 10AM pa 9PM. InselAir ta spera ku tur kliente lo hasi uso di e benefisionan di e ofisina di tiket nobo aki ya ku Sambil ta trese diferente fasilidat y ambiente.

Benefisio pa kliente

“Habri un ofisina di tiket na Sambil ta ofrese hopi benefisio pa nos klientenan manera akseso fasil dor di e lokalidat sentral, habrí 7 dia pa siman, luga pa parker gratis i kumbiniente, un ofisina di tiket espasioso, ambiente pa mucha i naturalmente un servisio amabel” según Edward Heerenveen, Hefe di General and International Affairs. “Mas aleu, hinter e ambiente di Sambil ta aadi na e eksperiensia kompletu di nos klientenan; por ehèmpel uso di food court i tur e otro fasílidatnan dísponibel,” Heerenveen ta añadi. InselAir su ticket office na Airport (HATO) lo keda opera normalmente, solamente den un setup mas chikí.
Ofresiendo servisio limitá pa e pasaheronan ku tin algu urgente pa kompleta of ku mester di asistensia inmediato.

Servisio total

E ofisina di tiket nobo di InselAir lo ofrese un servisio total pa klientenan di InselAir; informashon tokante tur e 27 destinashonnan, Insel StarMiles (programa di viajero frekuente di InselAir), kompra di tiket, upgrade pa Comfort Class, i asta ayudo pa buk bo tiket online pa asina e siguiente biaha ku bo tin ku travel bo por buk bo tiket sin ningún problema.