TDS na kaminda pa selebrá su di 30 aniversario, ta bolbe kumpli ku petishonnan risibí di su klientenan. Ta asina ku Kòrsou den e último añanan a drenta full den gara di futbòl spañó, i fanatikada di e klupnan Real Madrid i Barcelona ta birando dia pa dia mas grandi tantu aki na Kòrsou komo na Boneiru. Pa e motibu aki tambe TDS a purba di tur manera pa logra haña e derechinan nesesario pa por pasa e weganan aki i awor porfin por anunsiá ku e esfuersonan a mira fruta ku koperashon di SportsMax.

For di dia 21 di ougùstùs awor te ku 14 di mei 2016, pues 9 luna largu, tur kliente interesá por aboná riba kanal 697 di TDS pa ANG 19.07 pa luna ku ta inkluí tambe kanal 696.

SportsMax a firma un kontrakt eksklusivo ku e klup di futbòl aki ku ta duna garantia di transmishon  pa 5 aña largu di e weganan.

Pues awor klientenan di TDS ku aboná riba e pakete aki por gosa di henter e temporada di Liga Spañó di futbòl ku e hungadónan mas famoso di momento manera Messi, Luis Suarez i Neymar defendiendo e kampionnan Barcelona kontra Ronaldo, Gareth Bale i James Rodriguez di Real Madrid.

Mayoria wega di temporada lo bai ta riba djarason, djabièrnè, djasabra i djadumingu. Pa orario simplemente para riba e kanal (697) i primi e boton riba bo remote ku ta bisa “Guide of EPG”, “like” TDS su facebook page www.facebook.com/tdscuracao òf sintonisá kanal 70 di TDS ku tambe lo tenebu na altura di orarionan.

Esaki ta parti di e komienso di TDS su selebrashon di 30 aña, demostrando ku TDS ta keda Esun di Nos!