Willemstad- E kantante yu di Kòrsou /Internashonal Tony Sherman  ta lansa un produkshon musikal titulá “Soul Revival” huntu ku su amigunan di semper Melvin Landburg, Arnold Stone, Leslie Vos, Duke Richardson i tambe Mr. Solo. E produkshon aki ta hiba fanátikonan di Soul Music i tambe e artistanan aki mes hopi aña atras tempunan de West-End tur djadumingu. Tony Shearman ta konta ku no opstante nan tur tabata amigu, e ‘battle’ entre e artistanan e tempu ei tabata e loke públiko tabata loko kuné i motibu di un yeno kompleto tur djadumingu den West -End. Despues di tempu tu a skohe nan propio destino i por sierto Oropa, pero tòg e laso di amistat a keda i mas o ménos un aña pasa e idea a nase pa traha riba un produkshon músika ku awe a bira realidat. E CD aki a keda realisá na Spaña i pa loke ta trata e parti di bos, esaki a keda realisá den studio di grabashon Dragon Music di Leslie Vos su yu hòmber. E dos kansion nan, Bang Bang (My babe shot me down) i Change is gonna come a kea graba den studio di Shearmanology hunt ku Leon Shearman. Kansionnan manera I’ve been Loving you to long, I’ll never fall in love again, This is a man’s world, Bang Bang(my babe shot me down), Hold on to what you’ve got, A change is gonna Come i tambe e kansion promoshonal ku tur  e kantantenan ta kanta huntu “Let it be me” realmente lo hibabu West-End i kòrda e tempu nan inolvidabel. ‘West-End Soul Revival’ lo ta riba merkado for di djarason awor na tur diskobar, miéntras ku ya por mira e video clip na nos kanalnan di televishon tantu aki na Kòrsou, Aruba, Bonaire i na Hulanda.