Manera ya ta konosi, Coridja Stars Productions a keda enkargá ku organisashon di Karnaval 2016 i pa e motibu aki nos kier invitá tur lider di grupo di Karnaval Grandi, Tiner,  di Kabai i Hubenil na un reunion importante ku lo tuma lugá djaluna awó 10 di ougùstùs. Esaki lo tuma lugá na Klipstraat 6-8 na ofisina di Coridja Stars Productions kaminda antes tabata Fudeka. Durante di e reunion aki gruponan por sera konosi ku miembronan di e organisashon, nan funshon i alaves haña informashon di detayenan importante relashoná ku selebrashon di Karnaval 2016. E reunion aki lo di 7 or pa 9 or di anochi i ta spera di por konta ku presensia di tur lider di grupo di Karnaval, paso huntu i den union nos lo hasi di Kòrsou su Karnaval esun kampion.