WILLEMSTAD.- Sea ku ta den showbizz, televishon òf  den mundu di kabarèt, Jandino Asporaat ta move manera un raket. Riba televishon e ta e rei di sintonia, su duo ku Gerard Joling, a bira number 1 na Hulanda i su kabaret ‘De Revue’ a perkurá pa salanan yen, tantu na Hulanda komo na Kòrsou. ‘Hoe dan ook’, a bende den un tempu rekòrt. Djaweps anochi tabatin e promé show i esaki a kumpli ku tur e espektativanan. E hòmber ku e sonrisa mas grandi den Reino Hulandes a terminá su show ku vürwèrk, loke ta un refleho di su show. Jandino, Onchi i Judeska a perkurá pa e públiko a disfrutá di un show fantástiko, balansa i karga ku ambiente.

E evento a keda organisá pa HTF Productions (funda pa Jorgen Raymann) i Avila Hotel. Huntu ku e sponsernan Amstel Bright, Guardian Group, Neurtogena, Curacao Tourism Board (CTB), Manrique Capriles, SMS Advocaten, Insel Air, Fun Miles i Massive Productions por mira atras riba un evento eksitoso. E show tabata un éksito for di inisio tumando na konsiderashon e benta rápido di karchi entrada.

Djabièrnè nochi tabatin e di dos i ultimo presentashon di Jandino su ‘Hoe dan ook’ na Avila Hotel. Djadumingu awor, Jandino ta duna su ultimo presentashon den e serie aki na Paramaribo, Sürnam.