Di dos konsierto Di Ronald McDonald House Charities a tuma lugá djamars 4 di Ougùstùs

Willemstad –  Djamars, último 4 di ougùstùs, tabata tin e oportunidat di disfrutá di un anochi plasentero pa nos muchanan i nan famia ku ta na SEHOS. Ronald McDonald House Charities (RMHC) Curaçao Foundation den koperashon ku   Cross Over Youth Movement Foundation i Freewinds Band tabata tin nan di dos konsierto di mucha pa mucha.  E konsierto a konsistí di partisipashon di kantante nan i talento yòn manera  Elena Meijer – Titania Willems- Evan Huerta-  – Sensi Rondon – Nedrah Barbara – Denice Coco – Celine Janssen – Kristina Ros – Sarah Mattews – Jada  van Dijk – Roxy Rozal – Micheal Ridderstadt  i Veronica Pichardo. Tambe tabata tin partisipashon di dos  ‘Special Guest Stars’. E banda Unlocked ku ta konsistí di talèntonan yòn lokal i ku aktuashon spesial di  Isabel da Sila y Danielle Metry ku a sòru pa un ambiente total riba bordo di Freewinds.  E konsierto a konta tambe ku presensia di Ronald McDonald. Nos kièr yama danki na tur esnan ku di un forma òf  otro a yuda ku nan kontribushon pa asina a hasi e anochi aki bira realidat spesialmente pa nos muchanan di SEHOS.