Djasabra 8 di Ougùstùs ta e dia grandi ku Grupo Helengue a warda riba dje pa asina duna pueblo loke ta entretenimiento total. Gio, Dreams ft HNLY, ERA, O’Vega, DJ RO-1,  i Dolce huntu Alison Hinds ta kla pa rementá Kleine Werf pa asina abo jump i gosa bai ku e Mid Year Jump in Concert. E ambiente ta bai ta total pa abo por baila tumba i roadfire i asina rebibá karnaval 2015 i alabes duna un bon antesala i inisio na karnaval 2016.

Grupo Helengue ta bai marka historia mayan mirando ku no solamente e ta hasi aktividatnan inovativo pero tambe e prioridat di e grupo ta pa asina engrandesé karnaval den su totalidat. Tur hende tin mag di bula, jump i saka stress pa asina kuminsá prepará pa e temporada di karnaval ku ta den huki. Tur banda ta kla i Kleine Werf ta bon prepará pa asina abo por yega i kai den e ambiente fantástiko ku ta bai bira Hot. Di e manera aki tambe Helengue kier yama un i tur ku a duna e grupo e sosten i atenshon pa asina e grupo por alkansá su meta primordial ku ta pa alegrá tur kurason pa medio di ambiente. Djabièrnè atardi e artista internashonal Alison Hinds ta yega Kòrsou pa asina ensayá ku e banda Dolce debí ku ta nos orguyo talentonan di Kòrsou lo kompaña e artista djasabra aya riba Kleine Werf. E intenshon tras di e Jump in ta pa asina uni kurasonnan huntu i alabes duna realse na Kòrsou su karnaval ku ta pinta di bira grandi otro aña. Si bo kumpra 5 karchi bo ta risibí 1 pòrnada i bo por yama 5213700.

Danki na tur medio di komunikashon, website i Prensa kompleto, meskos na tur radio, Massive production, agrupashonnan musikal, Dj RO-1, Leañez ku ta e spònser ofisial di e Mid-Year Jump in Concert ku e serbes Presidente, team di Helengue i alabes tur persona ku a kumpra nan karchi. Grupo Helengue ta warda bo djasabra na Kleine Werf pa asina bo jump i gosa bai ku e Mid-Year Jump in Concert.