WILLEMSTAD – Den un karta fecha 3 di ougùstùs 2015 firmá pa su Presidente Giovanni M.A. Atalita i su Chairman Olivier E. Arrindell, e kompania di aviashon lokal AVA Airways a pidi un reunion ku miembronan di komishon di transporte di Parlamento di Kòrsou. AVA airways a pone 5 punto ku nan lo ke trata ku e komishon sentral di transporte di Parlamento di Kòrsou. E puntonan aki ta:

1. Presentashon di e Businessplan di AVA Airways na Parlamento
2. AVA Airways ke ekspresá su preokupashon pa ku e asina yama open sky policy den aviashon na Kòrsou
3. E status di e Economic Authority
4. Intenshon di AVA Airways pa yuda Kòrsou Sali for di e kategoria 2 di IASA
5. Dia 11 di yüni último AVA Airways a pidi Ministerio di transporte pa manda pa nos kua ta e rekisitonan pa loke ta trata e AOC na Kòrsou. Te ku e dia di awe nos no a haña ningun reakshon.

AVA Airways awor aki ta pendiente di un fecha i orario pa asina aki e reunion aki por tuma lugá i informá representante di pueblo riba e último detayenan.

Kopia dje karta di petishon pa reunion a bai pa Frakshonan di Pueblo Soberano, MFK, PAIS, PAR, MAN, PNP, Glennn Sulvaran i Omayra Leeflang. Tambe un kopia dje karta a bai pa Capital Partners i Grave Aviation Holding LLC.