WILLEMSTAD — Direktiva di AMAK ta apresiá e forma ku músikonan a konvivi ku e situashon difísil di estado di salu di Tantu Toro Colina komo Igmar La Reine. Den un forma hopi emoshoná, músikonan ku a traha huntu ku e dos gran baluartenan musikal aki, a mustra nan apresio pa durante nan bishita na Hospital, pa di e forma ei demostrá nan gran apresio.

Direktiva di AMAK kier a hasi uso di e oportunidat aki pa invitá tur músiko pa ban den orashon i asistí na e Santu Sakrifisio di Misa ku lo tuma lugá djasabra awor dia 25 di yüli pa 7 or di anochi na Misa di Altagracia na Steenrijk.

Direktiva di AMAK ke gradesí tambe Pastor Raul Mercedes ku mes ora a akseptá e petishon di parti di AMAK pa tene e Santu Sakrifisio di misa aki.

Laga nos tur ban topa djasabra awor 25 di yüli 2015 pa 7 or di anochi na Misa Altagracia na Steenrijk.

Atentamente

Direktiva di AMAK