Aktivá, benefisiá i gana premio tur siman

WILLEMSTAD: Tabata djarason último ku Digicel a introdusí su produkto nobo ‘Digicel Zero’, esaki a bai pareu ku hopi promoshon na benefisio di e kliente. Durante e dia di introdukshon, Digicel su tim di promoshon a parti ‘bumper stickers’ i bandera pa outo na diferente puntonan stratégiko. Ademas di esaki, e promé 100 klientenan di Digicel ku a ‘upload’ nan potrèt riba e página di Facebook di Digicel a gana un aktivashon grátis di ‘Digicel Zero’. “Nos por a sinti un entusiasmo grandi serka nos klientenan ku e pakete nobo. E reakshonnan tabata di asombro ora ku e tim di promoshon tabata splika e kliente kuantu benefisio e ta risibí pa únikamente 6 florin”, esaki di akuerdo ku Manager di merkadeo pa Digicel Kòrsou, sra. Shayenne Rock.  

Pa kompletá e introdukshon di ‘Digicel Zero’ awe ta introdusí e ‘Summer Campaign’. E promoshon aki lo ofresé tur ku aktivá e ‘Digicel Zero’ chèns di gana premio tur siman, esaki ta adishonal di tur loke e produkto mes ta ofresé. “E introdukshon di e karchi nobo di 6 florin ta kana pareu ku e ‘Digicel Zero’ i e ‘Summer Campaign’, ta p’esei nos por bisa fásilmente ku e kliente ta risibí mas balor pa su sèn. Pa añadí na e benefisionan, Digicel ta regalá semanalmente durante e temporada di introdukshon un pasashi ida i buèlta pa un destinashon di eskoho ku InselAir”, asina Shayenne Rock a sigui splika. Bo por hasi mas yamada i manda mas teksto mirando ku bo tin 1 florin èkstra pa gasta. “Pero klaro, kumprando e karchi di 6 florin i aktivando e ‘Digicel Zero’ e kliente ta risibí muchu mas, di esei e por ta sigur. Ken lo no ke yama grátis den ABC?” asina Shayenne Rock a tèrminá.

Gana Premio den Digicel ‘Summer Campaign’:

Aktivá ‘Digicel Zero’ e pakete di data pre-pago nobo di 1 dia. Esaki ta inkluí 100Mb data, hasi yamada grátis riba e ret di Digicel pa Aruba, Boneiru i Kòrsou (ABC), ademas di esaki Whatsapp i Facebook grátis tambe! Ku ‘Digicel Zero’ hasta si bo data kaba bo ta keda konektá, bo por sigui usa Whatsapp i Facebook grátis! Tur usuario ku aktivá ‘Digicel Zero’ tin chèns di gana un pasashi di InselAir pa un destinashon di su eskoho. Aktivashon ta fásil por hasi esaki yamando *123# òf via di ‘My Digicel App’ ku bo por ‘download’ via Google Store òf Play Store. E plan aki ta dunabo 100MB di data 4G – bon spit pa kompartí potrèt, sùrf riba Internet, chat riba Whatsapp, download i mantené bo mes na altura di tur desaroyo riba Social Media. Bishitá kualke establesimentu of diler di Digicel pa mas informashon òf konsultá e websáit www.digicelcuracao.com pa tèrmino i kondishonnan di e kampaña.