Willemstad- Yüli – Durante temporada di vakashon fundashon De Steun i SSJC a organisá un plan di vakashon pa e muchanan di  St. Jozef Tehuis. Meta di e plan di fakansi tabata pa siña e muchanan importansia di sosialisá i interkambiá ku otro. A logra esaki dor di laga nan partisipá na e.o diferente paseonan edukativo. Nan a bishitá diferente instansia, establesimentu i organisashon. Djaluna último e grupo di 19 mucha a bishitá KFC Sta. Maria na unda ku nan a haña un guia chikitu i un trit delisioso.  

E muchanan a keda fasiná pa mira kon KFC Sta. Maria ta operá i a disfrutá plenamente di nan sukulento galiña, bata i limonada ku nan a haña serka e staf i personal di KFC. Komo muestra  di  apresio  e muchanan a haña tambe un ‘coolbag’ di KFC ku  algun  artíkulo di skol den dje. E artíkulonan aki lo sirbi e muchanan bon pa e komienso di un aña eskolar nobo. Na final di e dia e muchanan a haña ice-cream, riba nan turno nan a gradisí maneho di KFC ku un bunita plakat.