WILLEMSTAD- Yüli – 2015- Resientemente Curaçao Marriott Beach Resort tabata anfitrion pa un otro ‘networking event’ di ‘Directors Club’. Esaki a tuma lugá den Queens Ballroom. E evento a konta ku presensia di vários gerente lokal ku den un ambiente sosial a sera konosí ku ehekutivonan nobo di Curaçao Marriott Beach Resort. Despues di un eksitoso promé edishon dediká na ehekutivonan femenino di gran influensia riba nos isla i un di dos edishon dediká na kontaktonan empresarial maskulino, Curaçao Marriott Beach Resort por mira bèk riba un eksitoso terser edishon di ‘Directors Club’. E idea ta pa durante di e evento, direktornan di diferente kompania ku a wòrdu invitá interkambiá di idea, práktika di empresa i naturalmente sosialisá un poko.

Durante di e evento General Manager nobo di Curaçao Marriott Beach Resort Sr. Eduardo Reple a hiba palabra introdusiendo su mes i a kompartí su eksperensia te awó- na Curaçao Marriott Beach Resort. Ademas di esaki, Sr. Reple a introdusí su tim ehekutivo ku ta guia e desaroyo di e Resort i su personal. Durante di e ‘Directors Club’ di djarason último a introdusí e direktor di F&B nobo, Sr. Rajarshi Ganguly ku na su turno tambe introdusí su mes i a kompartí e plan di su departamentu ku ta inkluí entre otro promoshon i kampañanan pa e huéspet lokal i mantené presensia di Curaçao Marriott Beach Resort den nos merkado. Tambe a elaborá riba e tópiko di benta i a introdusí e ‘sales director’ nobo Sra. Chela Lannoy ku a introdusí su mes i hinter e tim di benta di Curaçao Marriott Beach Resort. Pa kompletá e eksperensia di ‘Directors Club’, Curaçao Marriott Beach Resort a pone vários ‘food station’ pa tur invitado disfrutá. Riba fotonan athuntu por haña un impreshon di e terser edishon di ‘Directors Club’ ku a tuma lugá djarason último na Curaçao Marriott Beach Resort.