Willemstad, 13 yüli 2015 – Den e kuadro di ‘Chippie is more, poniendo énfasis riba mas inovashon, mas servisio, mas fleksibilidat, mas opshon, mas bentaha i mas entretenimientu, Chippie ta introdusí entrante di djaweps awor, 16 di yüli 2015, su paketenan prepago nobo, Chippie Smart Surf i Chippie Smart Combo, p’asina klientenan por disfrutá di mas benefisio ku nan Chippie.

Ku e paketenan di data,Chippie Smart Surf Bundles, bo por surf, chat i stream kuminsando for di 40 MB te ku 5000 MB, pa sea, 1, 7 òf 30 dia na preisnan sumamente kumbiniente. Chippie Surf Smart Bundles ta konsistí di 6 diferente pakete pa bo por skohe for di dje, kumpliendo asina ku e nesesidat di kada un di nos. Kada pakete tin su kantidat di data, bálides, preis i kódigo di SMS.

Ademas e paketenan di data di Chippie  ta ofresé aun mas benefisio. Banda di e hecho ku e data den tur e paketenan di Chippie ta aplikabel den henter Chippieland, no tin restrikshon riba ningun ‘app’. Awor miéntras ku un di e paketenan di Smart Surf ta aktivo, bo por yama kualke number lokal pa solamente ANG 0,59 pa minüt. Ademas bo por disfrutá di un spit di internèt mas haltu riba bo Chippie, paso LTE ta inkluí grátis den e pakete di 5000 MB.

Chippie Smart Combo Bundles ta e paketenan nobo di 3 den 1 konsistiendo di 5 diferente pakete kaminda bo por papia, SMS i sùrf riba internèt pareu, dor di aktiva un pakete pa 1 preis fiho. Meskos ku e Smart Surf bundlenan, e paketenan di Smart Combo tambe ta kuminsá for di 40 MB te ku 5000 MB, ku eskoho di  1, 7 òf 30 dia. Kada pakete di Smart Combo bundle tin su kantidat di data, bálides, preis, kódigo di SMS, pero e paketenan aki tin mas benefisio ainda manera entre otro:

• Yamadanan ilimitá pa Chippieland i tur number fiho di UTS;
• Manda SMS ilimitá pa tur number di selular lokal;
• Yama numbernan selular i lokal fiho di otro provedornan pa solamente 59 sèn pa minüt miéntras ku e bùndel ta aktivo;
• LTE ta inkluí GRÁTIS den e pakete di 5000 MB;
• E data den e bùndelnan ta aplikabel den henter Chippieland;
• No tin restrikshon riba ningun ‘app’.

Pa aktivá kualke pakete di Smart Surf òf Smart Combo ta masha fásil. Simplemente manda e kódigo di SMS korespondiente na e pakete di bo eskoho na 3434 i sigui e instrukshonnan. Adishonal mester kambia e APN den bo telefòn pa ‘Premium’ i bo ta kla pa disfrutá di mas ku bo Chippie Smart Surf òf Chippie Smart Combo Bundle! Ku introdukshon di e paketenan nobo aki, tur e paketenan di data i e 3 in 1 bùndelnan anterior, (manera entre otro Basic, Standard, Premium, Trendy, Relax i Freestyle) ya no ta vigente mas. Ta bon pa remarká ku e paketenan di Smart Surf òf Smart Combo no ta aplikabel riba telefònnan BlackBerry ku ta operá riba e sistema OS 7.1 òf mas abou. (por ehèmpel modèlnan Torch, Bold òf Curve) i e SIM mester ta ‘4G enabled’ pa por aktivá un di e paketenan aki. Si bo no tin esaki ainda, bo por kambia bo SIM pa un 4G+ SIM kompletamente grátis na kualke UTS Store. Klientenan ku ke disfrutá di e paketenan di 5000 MB inkluyendo spit haltu di LTE, mester tene kuenta si ku nan telefòn mester ta kompatibel ku LTE. E frekuensia pa esaki ta band 3, 1800 mhz. Pues no warda mas, apliká awe mes pa kualke pakete di Smart Surf òf Smart Combo, p’asina bo tambe por disfrutá di mas fleksibilidat, mas eskoho i mas benefisio ku bo Chippie. Pa mas informashon i tambe pa término i kondishonnan di e bùndelnan aki, bishitá www.chippieismore.com òf yama 9242. Kòrda ‘like’ nos página di Facebook, www.facebook.com/utscuracao, pa keda na altura di tur informashon, oferta i kampañanan.