Willemstad – E Gran Konsierto, titulá “Kalma E Tormenta”, di Shamiro Anita dia pa dia ta birando aun mas impreshonante. Un eksperensia uniko i nunka bisto na Korsou, lo bai ta un show di leiser yama “Glow Laser Fingers Show”. Artistanan riba stage lo kombina baile ku un show ku lus di leiser saliendo for di nan dedenan. Normalmente aparatonan speshal ku ta saka lus di leiser krea shownan espektakular. Loke ta hasi e show aki diferente ta ku e lusnan di leiser lo sali for di man dje artistanan i no for di un aparato pone fiho un kaminda. Tur esnan presente den e konsierto lo keda impreshona, mirando kon nos mes hobennan por i lo duna e leiser show aki.
E logro aki pa Shamiro Anita ta un prueba mas ku berdat Dios su amor por Move Tur Montaña i Kalma Tur Tormenta den nos bida. Pesei e ta bisa ku loke nos mester tin ta fe den Dios.
Fuera di e leiser show aki lo tin un Live Band, Kor Sta Famia, Exelent Choir i grupo di baile Adonai, A El Arte i Excel Arts Academy. Kompañando Shamiro riba stage lo tin algun dje miho artistanan invita di Korsou, esta Liesella Thomas i Chantal Huybregts. Direktamente for di Aruba tambe lo tei Eltienne Yarzagaray i Derwin Kemp, mientras ku tambe for di Hulanda lo tei Josh Matos.
Shamiro ta invita pueblo pa bin gradisi Dios den e konsierto & show aki pa tur e tormentanan ku e la kalma i lo bai sigui kalma den nos bida, paso Dios su amor por Move tur Montaña.
Bin selebra su di 5 aniversario gosando di shownan espektakular di Kanto, SkyDancing, Baile, Light & Fire Show, Stilt Walking i hopi mas, djasabra 8 di augustus 2015 Exhibition Hall di WTC. Sala lo ta habri for di 7or di anochi i lo kuminsa net 7.30 ku un gran sorpresa.
Esnan presente lo disfruta di 3 ora di show ku hamas nan lo lubida. Karchinan ta bayendo lihe i ta obtenibel na Mensing, Tik Tak, Koko Loko, Beep Beep, Kas di Beibel i Kindom Experience. Preis di karchi ta fl.35,–. Pa mas informashon yama 562-2233.
Riba su Website : www.shamiromusic.com por sigui tur su último desaroyonan musical i wak unda e bai ta kantando.