Willemstad- Sèptèmber 2013; Durante di e último 3 lunanan e profeshonal den Squash, Martijn Kock a bin ta duna lès i entrenamentu di Squash na e kancha di Curaçao Golf & Squash Club na Emmastad. Meta di e entrenamentu bou di guia di Martijn Kock tabata pa duna hungadónan di Squash lokal téknikanan nobo p’asina nan tambe hisa nivel di wega. Pa klousurá e periodo a organisá algun kompetensia i a finalisá esaki ku un torneo fin di siman tra’i lomba, na unda ku 20 miembro di e klup di Squash lokal a partisipá. Durante di e último añanan, a hasi hopi esfuerso pa promové e deporte di Squash na Kòrsou; a organisá diferente tayer, entrenamentu bou di guia profeshonal, lèsnan spesial i torneo pa mantené e deportista motivá. Esaki mes a hasi ku e interes pa Squash a krese na Kòrsou i a bin ta hala atenshon di hopi hóben, un di e obhetivonan pa organisá e entrenamentu ku Martijn Kock, tabata netamente pa mantené e hóben motivá pa e deporte di Squash. Subway a pone su skouder bou di e proyekto i a ko-patrosina e torneo. Tur hungadó a risibí nan sèntwich di Subway kompañá pa e delisioso kukinan. “Esaki ta tipo di eventonan ku nos ta sinti nos mes identifiká kuné, nos tey pa motivá Kòrsou pa hasi skohensianan saludabel i praktiká deporte. Un komunidat den moveshon tin su benefisionan i komo empresa nos ta kontentu di por aportá na nos deportista i atletanan lokal ”, esaki di akuerdo ku Sr. Randy Maurera representante di Subway. Riba foto athuntu, algun di e partisipantenan di e torneo ku a tuma lugar na Curaçao Golf & Squash Club, Emmastad fin di siman pasá.