Tremendo presentashon di Junior All Star Orchestra na Aruba durante fin di siman pasá. Relashoná ku selebrashon di 10 aña, formashon musikal den bario di Instituto pa Formashon Musikal, Junior All Star a biaha pa Aruba di 3 pa 6 di yüli pa aya duna un presentashon na Dragon Hitters Ballpark. Djasabra  4 di yüli, Junior All Star a duna un tremendo presentashon, durante e enkuentro di softball, di Champs of the Champs, na kual Kòrsou tambe a partisipá  ku dos ekipo. Junior all star, bou di direkshon di Gedion Chandler a duna un tremendo presentashon, tokando diferente di nan piesanan nobo ku ta bai bin riba nan CD próksimamente. E públiko presente a reakshoná kui hopi aplouso. E “chèri” riba e bolo tabata presentashon di diferente número, den kua e hóbennan a kompañá Irving Luwi Jano. E último número, tabata un roadfire kantá pa Irving Luwi Jani i akinan Judienne ‘Kleine’  Lebacs i Wendy Jane Gomes tambe a djòin den koro.. Despues di un sėt di un ora i mei, Junior All Star a finalisá su presentashon, pa duna espasio na Delicious Band di Aruba. Diferente músiko ku tabata presente, a duna nan kòmplimènt na e hóben músikonan di Kòrsou. Den final di yüli lo tin presentashon na prensa di e CD nobo di Junior All Star Orchestra. Na nòmber di Instituto pa Formashon Musikal Manfred Feko Gomes