WILLEMSTAD – Djasabra último 4 di yüli 2015 JCI United Citizens of Curaçao tabatin e di dos edishon di Feria di Konosementu 2015.

Riba e dia aki partisipantenan por a skohe entre e siguiente tayernan: maneho di finansas serka Mr. Yasser Cova, maneho di tempu i tambe kon pa duna presentashon dilanti un publiko serka Mr. Calviany Eleonora, i tambe “Make up your soul” serka Sra. Melissa Corea. Interes pa kada un tabata haltu. Despues di un dia hopi interaktivo i edukativo partisipantenan a keda satisfecho i ku gana pa mas.

JCI UC ta hopi kontentu di por a kontruibí den e formashon i konosementu di kada un persona ku a partisipá i ta konsiente ku e impakto sigur ta algu positivo. Trahando riba kada individuo su desaroyo personal sigur nos lo yega na e Kòrsou ku nos tur ta deseá. I loke ta hasi e evento aki mas eksitoso ta e echo ku partisipante nan ke mas aktividat manera feria di konosementu. Pues komunidat di Kòrsou sigur por spera hopi di mas di parti di JCI UC riba e tereno di edukashon.