Willemstad – Fantikonan a pidi i fanatikonan tei haña 3 set pa baila Claudius Philips & O.R.E.O. den FIESTA NÈCHI. Djasabra anochi 10or “en punto”, e talentoso musiko Arubiano ta ranka sali ku e promé sèt bailable den Rust & Burgh. Un biaha mas Claudius Philips lo bai sòru pa un anochi inolvidabel ora ku e trese un repertorio bon variá ku tur su eksitonan grandi. Riba e anochi aki tambe, Claudius lo bai lòs algun di su piesanan nobo, entre kua esun ku ainda Kòrsou no a skucha… “M’a garabo!” Claudius lo presenta 3 sèt ku su gran orkesta O.R.E.O. pa satisfasé tur su fanatikonan nèchi.

HNLY ta hasi aña den Fiesta Nèchi!
Riba e anochi aki Hunnely Felicia lo presentá ku DREAMS. Na mes momentu HNLY lo ta selebrando su kumpleaños tambe. HNLY ta bon pegá aktualmente na emisoranan lokal ku su kantika “Pèrdè Kunes”. Ta logiko ku DREAMS tambe lo presentá nan eksitonan grandi entre kua, “Me, Myself and I”. I komosifuera no ta basta, Claudius lo presentá un tema den front di DREAMS! Pues tin tur ingridiente pa Djasabra 11 di Yüli bira un anochi inolvidabel den Rust & Burg.

Amplio lugar di parker ku vigilansia i bon iluminá.
A sòru pa lugar di parker sufisiente pa esanan ku ta bai FIESTA NÈCHI. Por parker riba e vèlt di bala, pegá ku Rust & Burgh, ku lo ta bon iluminá. Tambe por parker parti pariba di e vèlt di bala. E area aki tambe lo ta bon iluminá i ku pèrsonanan di siguridat pa vigilá tur outo.

A sobra awor solamente karchinan di Naf 50,= na Mensings Caminada, Beep Beep Rio i Tik Tak den Punda. Tene na kuenta ku na porta e preis di entrada lo kambia, pues buska bo karchi adelantá pa FIESTA NÈCHI. Djasabra awor lo bai bira sigur un anochi istoriko, grandi, nèchi i dushi den Rust & Burgh ora ku DREAMS bolbe topa ku Claudius Philips & O.R.E.O. pa FIESTA NÈCHI