Dia di Bandera, Fundashon Bon Intenshon a organisá su evento di repartí karchi grátis pa e konsierto di Juanes, Oscar de Leon, La India i Charlie Aponte. Esaki a tuma luga na Hòfi Popo Rojer, kaminda un multitut grandi a akudí, pa tuma nan karchi, pero tambe disfrutá di e tremendo dia aki na Banda Abou.  Fundashon Bon Intenshon a sòru pa bon ambiente den Hòfi Popo Rojer, ku músika na enkargo di ERA i DJ Argenis Huerta.

Fundashon Bon Intenshon ta yama danki na komunidat, na Hòfi Popo Rojer, na ERA i DJ Argenis Huerta i awe por hasi entregá na Plataforma di Banda Abou e suma di Ang. 4400,- ku ta e rekoudashon na porta di Hòfi Popo Rojer.