“nos tey pa gosa di ciclismo!”

E area di Drive-Inn a converti den un escena di actividad dia 27 di juni, ya cu e Grand Finale di Kids Bike Jams 2015 a tuma lugar na e circuito di Drive-Inn. Cu e equipo di voluntario, e registracion y timing a bai optimal, pa asina e competidornan infantil por a check-in liher pa asina start e evento na ora.

E participantenan, grupo di apoyo, patrocinador y familiares tur tabata cla pa ya cu ta e ultimo careda di e serie di Kids Bike Jams 2015 presenta pa KIA MOTORS.

Cu más di 50 participante entre e edad di 6 pa 14 aña, e muchanan a hasi nan recorido riba e trailnan di Circuito Drive-inn cu ta tuma mas o menos 10 minuut pa completa y cu ta specialmente diseña pa e muchanan.

E publico tabata aplaudi y apoya cada mucha ora nan tabata completa nan buelta pa despues desaparece mei mei di tur e matanan den mondi pa asina bolbe bek Start-Finish pa marca nan tempo.

Liderando e Categoria 5 pa e mucha homber ta Ian Hekman y mucha moher Zaira Felix. Den Categoria 4, Daaf Plomp a saka mas punto cu su promer lugar den mucha homber hunto cu Anouk van Ijzendoorn den e categoria di mucha moher. E resultado den categoria 3 tabata pa e ganador Justin Morales (mucha homber) y Ryandra Kamperveen (mucha moher). E estreyanan mas chikito ta Chiel Hartog, Alisah Kasemier, Elias Vandormael y Sophie Dings den e categorianan 1 y 2.

Un gradicimento enorme na tur y cada participante, patrocinador, voluntario, miembro di famia, e teamnan y coach pa bin cu e muchanan durante e serie di Kids Bike Jams haciendo esaki un evento faborito di e muchanan.

Masha danki tambe na Kia Motors como e patrocinador cu derecho di nomber di e evento, na Tribike Aruba cu ta comparti e experiencia aki cu e muchanan, na Write-here cu ta ofrece e muchanan un bunita certificado, na Timeless-Pixx y Edrick Krozendijk pa e potretnan increibel di e momentonan captura cu camera, na Smit y Dorlas cu a percura pa e delicioso coffee pa tur presente, na Speedworx Cycling Team pa e regalonan pa e muchanan y e snacksnan, na AWB MTB-comision pa e asistencia cu timing, y na tur voluntario cu a percura pa e seguridad di e muchanan durante tur e eventonan. E ayudo incansabel di e voluntarionan a percura pa e eventonan di Kids Bike Jams por a funciona na e mesun nivel cu semper.

Danki na tur y nos ta spera di wak tur mucha bek e proximo aña cu ta bin!