Willemstad – E agrupashon musikal GIO Fuertisimo e aña aki ta selebrá 22 aña den e farándula di Kòrsou. Ku orguyo nos ta yama danki na Señor y tambe danki pa tur sosten ku nos a risibí durante tur e añanan. GIO Fuertisimo su selebrashon di 22 aña lo tuma lugá djamars, 7 di yüli 2015 den e diskoteka nobo Spoonz!!!
Pa selebrá e logro grandi aki di 22 aña den farándula ta bai tin un selebrashon grandísimo den un forma maratóniko. E selebrashon aki ta lo konsistí di presentashon di tur e kantante nan ku a forma parti di GIO Fuertisimo durante 22 aña: Gibi Doran, Luwi Jano, Tico Libiee, Clarck Zalm, Roald Balentin, Djuric Virginie, Leandry Gonzales, Clinton Hato y Dibo Doran.
Entrada pa e selebrashon aki tambe lo ta na un preis super speshal:
Naf. 22 pa 2 karchi (optenibel na porta te ku 1am)
Naf. 50 pa e sekshon VIP (optenibel na number di telefon 5610000)
Un invitashon ta bai na tur fanátiko, pa bin selebrá huntu ku nan agrupashon musikal faborito GIO Fuertisimo den GIO Mania Máratòn