WILLEMSTAD – Djasabra awor dia 4 di yüli 2015 JCI United Citizens of Curaçao (JCI UC) ta bai tin e di dos edishon di Feria di Konosementu. Riba e dia aki partisipantenan por skohe entre kuater diferente tayer.

Skema di Dia:
09:00am – 10:30am  Nos lo duna: Make up your Soul i Time Management
11:00am – 12:30pm  Nos lo duna: Public Speaking i Budgeting

E tayer di Time Management ta siña un persona kon pa maneha su tempu mas miho. Mientras ku Make up your soul lo hasi bo konsiente ku kambio ta kuminsa na bo mes. Aki e oradó lo duna tep balioso di kon pa balansa bo bida personal i esun profeshonal. Public Speaking lo siña bo kon pa ekspresá bo mes mas miho den publiko i kon pa dominá nervio. I por último nos tin Budgeting. E parti aki ta pa konsientisá e partisipante di e miho maneranan pa maneha su finansas.

Kada tayer ta kosta solamente 25 florin. JCI UC ta konosí pa su proyekto komunitarionan kaminda e ta soru di un forma òf otro duna bèk na komunidat. Ku e evento aki JCI UC ta deseá na brinda tur persona ku no por paga un kurso di hopi sèn un oportunidat pa por atkerí e konosementu na un preis rasonabel.

Nos ta warda un i tur bin forma parti di Feria Di Konosementu 2015 aya na Universidat di Kòrsou. Pa karchi por bel +59995103688 of manda un karta na feriadikonosementu2015@gmail.com