Nos selekshon nashonal di dama U-20 a klasifiká pa e di 2 buèlta di e CFU Woman’s U-20 Cup Tournament ku a tuma lugá na Puerto Rico resientemente i ta regresá Kòrsou awe, 25 di yüni anochi 8or for di Miami ku e buelo di American Airlines.
Despues ku nos selekshon a kai vensí di e ekipo anfitrion Puerto Rico, 5-0 den e promé enkuentro, Kòrsou a sa di gana Anguilla ku e skor di 2-0 den e di 2 enkuentro. E 2 golnan a keda anotá pa Lindsey Hart ku Dianthe Scheeper. Ayera nos selekshon a empatá kontra Antigua i Barbuda ku e skor 1-1 i asina sigurá nos klasifikashon pa siguiente buèlta ku un total di 4 punto. E gol a keda anotá pa Lindsey Hart.
E resultado di e 3 partidonan ei a pone ku nos a klasifiká pa e siguiente buèlta di e CFU Woman’s U-20 Cup Tournament ku lo tuma lugá na Haiti den e luna di òktober. E mundial di U-20 mes lo tuma lugá na Papua New Guinea otro aña, esta 2016Curacao 0 – Puerto Rico 5
Curacao 2 – Anguila 0
Curacao 1 – Antigua & Barbuda 1 Curacao 0 – Puerto Rico 5
Curacao 2 – Anguila 0
Curacao 1 – Antigua & Barbuda i e kampionato di dama U-20 lo tuma lugá e aña aki na Honduras. Pa awor aki nos selekshon lo sigui entrená pa asina nos ta kla prepará pa nos kompromisonan di e siguiente buèlta. Miéntras nos selekshon a empatá ku e ekipo di Antigua & Barbuda i a klasifiká komo number 2 den nos pul, e ekipo anfitrion, Puerto Rico a sa di gana tur su weganan i a klasifiká komo number 1 den den e pul.
Tabla di posishon:
| WH | WG | WE | WP | GF | GK | Saldo | Punto | ||
| 1 | Puerto Rico | 3 | 3 | 0 | 0 | 16 | 1 | 15 | 9 |
| 2 | Curacao | 3 | 1 | 1 | 1 | 3 | 6 | -3 | 4 |
| 3 | Anguilla | 3 | 0 | 2 | 1 | 1 | 9 | -8 | 2 |
| 4 | Antigua & Barbuda | 3 | 0 | 1 | 2 | 1 | 5 | -4 | 1 |
Nos selekshon nashonal di dama U-20 ta konsistí di un grupo di 19 hungadó ku ta wòrdu dirigí pa Sr. Rudsel Monte ku ta e direktor tékniko di e selekshon aki i Sr. Rovian Carolina ku ta e asistente di e direktor tékniko.
Tambe ta biaha huntu ku e selekshon Sra. Nadine Carolina ku ta esun enkargá ku e materialnan di e selekshon, un masahista kual ta Sra. Rose-Marie Curial i e hefe di delegashon ku ta Sr. Harry Davelaar, miembro di direktiva di FFK.
FFK i MCB kier a yama nos selekshon di dama U-20 pabien pa nan logro i danki pa un biaha mas a saka kara di nos dushi isla.