Willemstad, Djabièrnè awor 26 di yuni och’or di anochi e muchanan di La Tentashon Performing Arts Academy ta bai tin nan presentashon di serada di fin di aña skolar Identi-Dance. Den e luna di aprel e hobennan aki tabatin nan di dos presentashon Titula Mi ke ta mi mes, un obra ku kanto i aktuashon. E biaha aki nos ta bai tin un show di baile moderno i folkoriko krea pa Jessy Wall nan dosente di baile. Aparte di esei nos ta bai tin un artista invita señora Elia Isenia. Pueblo di Korsou ta keda kordialmente invita pa disfruta di Identi-Dance, presenta pa e hobennan di La Tentashon Performing Arts Academy. Djabierne 26 yuni ocho’r di anochi na La Tentashon. Karchi ta naf 10,- optenibel na Teatro Luna Blou.

Pa mas informashon por yama Teatro Luna Blou na +5999 462-2209/ +5999 524-8525. Bo por chèk nos página nan wèp. www.lunablou.com. Tambe bo por sigui nos riba facebook: teatro luna blou i la tentashon.