Cpost International ta lansa kompetensha di stampia pa hóbennan entre 12 i 20 aña di edat

Òktober próksimo, Cpost International lo lansa un seri di stampia nobo rondó di e tema: Kuido di hubentut. Den kuadro di esaki, Cpost ta duna hóbennan entre 12 i 20 aña e oportunidat pa gana premionan aktraktivo diseñando e seri di stampia aki. Ku esaki Cpost International ta konsientisá hóbennan riba e mundu di filatelia. 

E kompetensia tin 5 tema:

1. Mucha i enseñansa

2. Mucha i salubridat

3. Mucha, trabou i desaroyo empresarial

4. Mucha i bibienda

5. Mucha i seguridat.

Pa partisipá, hóbennan mester djis skohe un di e sinku temanan i diseñá sinku stampia pa e tema ei, òf, diseñá un stampia pa kada tema. Partisipantenan mester tene kuenta ku e stampia mester ta diseñá riba formato A5 (148x210mm). Partisipantenan ta liber pa uza tur tipo material (steft, fèrf, enk, kòmpiuter, etc.) i téknika (pinta, fèrf, fotografía, etc.). Tene kuenta ku kolónan fèl no ta sali bon riba stampia. Ademas mester diseñá tambe un stèmpel i un envelòp. E último fecha ku e diseñonan mester keda mandá ta promé di sèptèmber 2015 Diseñonan mester keda mandá na: Prijsvraag CPOST INTERNATIONAL N.V. Afdeling IAD Plasa Wilson “Papa” Godett 1 Willemstad Curaçao òf elektronikamente na: iad@cpostint.com i ku tópiko “Prijsvraag CPOST INTERNATIONAL N.V.” Tene Kuenta ku e mester ta den PDF ku minimal 600 dpi.