Willemstad – Grupo di fotógrafo di naturalesa Photographus Naturalis humanoid ta organisá su di 2 eksposishon di pòrtrèt di naturalesa den luna du Yüli den Kunstcafé na Albert Heijn Zeelandia. E grupo di fotógrafo a lanta rina inisiativa di Curaçao Footprint Foundation despues ku e fundashon a tene su promé workshop ‘Fotografia di Naturalesa’ na aña 2012 I e partisipantenan ke a sigui bai den naturalesa frekuentemente pa train nan abilidat di saka pòrtrèt. Den transkurso di añanan e grupo a krese bira mas grandi, i e biaha aki un parti di e grupo konsistiendo di 12 fotógrafo a hinka e eksposishon aki den otro.

E kolekshon ta varia di imagen di animal endémiko, ku ta eksistí na Kòrsou so den e forma ei te ku paisahe ku ta kita bo aliento. Un total di 34 pòrtret ta ilustrá djis un parti chikitu di e variedat imenso ku nos tin den nos naturalesa.

E fotógrafonan ku ta partisipá ta: Angelique Felisie, Cisca Rusch-deLijster, Hubert de Palm, Henny Klein Klouwenberg, Leon Pors, Marvin Thodé, Michelle da Costa Gomez, Miriam Jonker, Rob Kelder, Saskia Matthijsse, Solange Hendrikse i Timmy Harms.

E kolekshon di pòrtret lo keda den Kunstcafé henter luna di Yüli I gran parti di e kolekshon lo ta na benta. Entrada naturalmente ta grátis. Pa mas informashon por tira un bista riba nos página di Facebook: Caribbean Footprint I tambe Curaçao Footprint Foundation.