WILLEMSTAD — Den e dianan ku a pasa aki tabata na Kòrsou un delegashon di diferente komersiante Colombiano. Representantenan di e kompania nobo di aviashon ku ketu bai ta wardando su pèrmit ekonómiko, a reuní ku e gremio aki, kaminda a pasa riba e oportunidatnan ku ta eksistí pa hasi negoshi entre Kòrsou i Colombia, pa ser eksakto Medellin. Entre e personanan presente aki na Kòrsou ta e Presidente di Camara de Comercio Colombo Centroamericana y del Caribe, Sr. Camilo Acevedo Rojas.

Durante un reunion ku a tuma lugá entre Sr. Camilo Rojas i e dos representantenan di AVA Airways Curaçao, su Presidente Giovanni M.A. Atalita i Chairman Olivier Arrindell, a yega na un akuerdo, kaminda Sr. Acevedo Rojas lo representá AVA Airways na Colombia i ta kuminsá enkaminá e proseso pa tin e kontaktonan ku Gobiernu i sektor priva, pa asina ei AVA Airways drenta Colombia.

Miéntras ku AVA Airways Curaçao ta wardando riba e desishon di gobièrnu di Kòrsou, komo un empresa legítimamente establesé aki na Kòrsou ku su vesteginsverunning i te hasta cribnummer, ta sigui ku proseso di preparashon, pa na momentu ku tur kos ta kla, AVA Airways Curaçao ya ta lei den su preparashon.