Sen ku tabata destina pa mucha nan menos afortuna den man di otro.
Willemstad- Korsou. Na 2015 InselAir a kompromete su mes na e grupo organisado di Karnaval, MEO, pa sponser Karnaval Hubenil ku un suma NAF 50,-
pa mucha ku un máximo di NAF 75.000,-. Por medio di e sponsering aki InselAir kier a hasi posible pa mas tantu mucha, kual hopi di menos rekurso por
a participa na e evento di sumo importansha aki pa kultura di Korsou. Al final 695 mucha a inskribi na MEO pa asina por partisipa na Karnaval Hubenil, kual

a resulta na un suma total di NAF 34.750,- ku InselAir a sponser. Lamentablemente, beslag a wordu pone riba e montante aki dor di kreditor nan recientemente,

kual a pone ku e sen a kai den otro man i tambe na un luga kual e no ta destina p’e. “Na prome luga ta inkreibel loke a pasa, kual ta buta ku e sen ku tabata

destina pa nos propio mucha nan di menos rekurso lo no jega serka nan”, según Edward Heerenveen. “Na di dos luga ta mustra for di dokumento nan ku e

debe akumula di MEO no tabata tin nada di haber ku e obhetivo, kual ta duna mucha nan di menos rekurso e chens pa participa na Karnaval Hubenil, lokual

ta hasi e situashon mas ferfelu,”, Edward Heerenveen ta reakshona. Un bia mas nos hubentud ta sufri, speshalmente e grupo di menos rekurso ku nos ta

papiando di dje aworaki, di un mal maneho di hende ku lo mester sa miho. “InselAir a disidi pa kambia su strategia y lo averigua di ki otro manera nos por sirbi

y sostene komunidat pa asina nos por ta sigur ku e sen ku ta destina pa esnan menos afortuna jega serka nan”, según Heerenveen.