Djadumingu 5 di yüli Willemstad- Dia 5 di yüli próksimo lo bai tin un konsierto di Gospel úniko ku e kantante Dominikana residensiá na Merka Kairy Marquez. E konsierto aki ku lo karga e tema” Sabiduria ta radiante; e no ta pèrdè su splendor (Sabiduria 6:12) Es ku stim’é ta kontempl’é fásilmente. Es ku buske ta hañ’é. Ta pa rekoudá fondo pa Parokianan di La Birgen del Carmen (Groot Kwartier) i La Bírgen di Fatima (Suffisant) E konsierto lo konta ku presentashon di Kairy Marquez, Pastor Raul Mercedes, Melania van der Veen i Kor Youthfull Spirit. Ken ta Kairy Marquez? Ku su 15 aña di edat Kairy a sinti su mes stimá, protehá i sostené pa Dios i e tabata sa ku nunka Dios su Amor lo no faya kuné. Semper ela sigui konseho di su wela i e tabata asistí na misa den su parokia, kaminda tambe ela bira parti di e ministerio Ministerio hubenil dje Sentro Katóliko Karismátiko na Bronx, New York komo sirbidó den retiro di hóbennan. Awe Kairy ta kanta outor i konferensista full time. Kairy ta ministrá komo solista den eventonan rònt Merka i e ta ta parti di` un komunidat y banda Katóliko na New York, ku ta spesialisá den evento di adorashon Eukarístiko. Kairy ta un kantante ku un bos i un unshon grandi i ora ku e ta kanta e hóben aki su bos i su kansionnan ta konmové kurason di tur ku ta skuch’é. Huntu ku Kairy lo tei e anochi aki otro bos bendishoná i stimá pa e komunidat Katóliko kende ta Pastor Raul kantando tur su kansionnan mas gusta. Melania van der Veen ta otro artista ku tei kompartí e anochi aki ku Kairy i huntu ku nan Kòr Youthfull Spirit. Entrada ta kosta solamente 40 florin i karchinan ta optenibel na Mensings Caminada, Beep Beep Rio, Misa di Suffisant i Groot Kwartier i serka Pastor Raul na Misa di Steenrijk. E konsierto ta kuminsá 8or di anochi E anochi aki lo bendishona 2 persona ku un premio di porta. Pastor Morrison Laporte ta invitá tur parokiano i rumannan Katóliko na e konsierto aki.