WILLEMSTAD – E resultadonan di e Short Term Economic Review di Kámara di Komèrsio ta mustra ku e aselerashon den desaroyo di koyuntura ekonómiko ku Kámara a señalá den e último kuartal di 2014, a slo den e promé kuartal di 2015. Ku esei no a alkansá e trènt riba tèrmino largu, loke ta indiká ku ainda e rekuperashon no ta kaminda e lo mester yega. Un promé indikashon ta mustra riba un kresementu di -½%.

Kaminda den di tres kuartal di 2014 e rekuperashon kompará ku di tres kuartal 2014 a keda karga pa prinsipalmente desaroyo den e sektor di turismo, e di kuater kuartal a mustra un ampliashon di e base den di kuater kuartal 2014 prinsipalmente den e sektornan di konstrukshon i logístika i un oumento di volúmen den konsumo i utilidat.

E promé kuartal di 2015 ta mustra sinembargo un bahada den e indikadónan di turismo i invershonnan privá, miéntras ku e sektornan di konstrukshon, konsumo i logístika atrobe ta mustra e trènt di un desaroyo positivo kompará ku e di kuater kuartal di 2014. E bahada den e produkto brutu nashonal, ku ta loke nos ekonomia ta produsí, ta kalkulá na -0,8% den e di kuater kuartal di 2014. E promé kalkulashon pa e promé kuartal di 2015 ta di -½%.

E kresementu ekonómiko ta demostrá ku esaki un desaroyo den e temporada novèmber 2014-mart 2015 di -0,9% pa -½%, pero ta keda bou di e trènt pa tèrmino largu, i ta keda un desafio.