Willemstad – Kòrsou. InselAir lo kuminsá su buelonan Kòrsou-Manaus dia 3 di yüli riba djaluna i djabièrnè. Buelonan pa Puerto Ordaz lo kuminsa dia 14 di yüli i lo bula riba djamars i djasabra. E kompania di aviashon di mas grandi basá den Karibe ta ofresé su klientenan un total di 24 destinashon i ta ofresé pasahero e ret di mas grandi den Karibe. Teket ta na benta aktualmente i por kumpra pasashi na kualke ofisina di teket di InselAir, via fly-inselair.com, na InselAir su Contact Center i via agentenan di biahe lokal.

Kòrsou – Manaus: e konekshon di mas rápido di Karibe pa Brazil

“Ku lansamentu di e ruta nobo aki nos ta ofresé pasahero di Kòrsou i di nos otro destinashonnan e konekshon di mas rápido i mas fásil pa Brazil”, Jurgen Lippinkhof, Hefe Komersial di InselAir ta bisa. “Y for di Manaus, pasahero por konektá fasilmente ku otro destinashon na Brazil, manera Rio de Janeiro i Sao Paulo, komo ku e aeropuerto ku a kaba di ser konstruí na Manaus ta ofresé hopi konekshon di e tipo aki”, Lippinkhof ta terminá. Ku e ruta nobo aki InselAir lo konektá otro destinashon direktamente inkluso Boneiru, Kòrsou, Caracas, Las Piedras, Santo Domingo, Paramaribo, Port-of-Spain, Barquisimeto, Valencia, Miami, Sint Maarten, Georgetown, Port-au-Prince i Havana ku Manaus. Pa skèdjel di buelo i tarifa InselAir ta konsehá biaheronan pa konsultá fly-inselair.com.

 

Spesial 2-pa-1 i skèdjel di buelo

InselAir ta ofresé un spesial di 2-pa-1 di Kòrsou pa Manaus ku por wordu kumpra na ofisinanan di teket di InselAir, via InselAir Contact Center i na agentenan di biahe lokal pa ANG 738 (preis total pa dos teket) i di Manaus pa Kòrsou pa USD 418 (preis total pa dos teket). E spesial 2-pa-1 ta optenibel tambe na e destinashonnan ku a wordu menshoná anterior pa Manaus i vise vèrsa. E preis ta pa ida i buelta i ta inkluí impuesto di gobièrnu i no ta inkluí impuesto di aeropuerto di Kòrsou. Pasahero ku ta biaha di Las Piedras òf Puerto Ordaz tambe lo mester paga impuesto di aeropuerto na aeropuerto. E temporada ku por buk ta te 3 di yüli 2015 i e temporada pa biaha ta di 3 di yüli te 3 di òktober 2015. Fechanan blèkout ta di 24 di ougùstùs pa 11 di sèptèmber 2015. Lo opera e buelonan ku un Fokker 70 i segun e siguiente skèdjel di buelo. Tur tempu menshoná ta ora lokal.

 

Flight#	Departure Curacao	Arrival anaus	Days
7I 773	08:50 PM	11:40 PM	djaluna, djabièrnè
Flight#	Departure Manaus	Arrival Curacao	Days
7I 774	02:30 AM	05:20 AM	djamars, djasabra

 

 

Kòrsou – Puerto Ordaz: InselAir su di seis destinashon na Venezuela

Puerto Ordaz ta e parti prinsipal di Ciudad Guyana den estado Bolivar i ta un di Venezuela su siudatnan ku ta krese mas lihé i un di esnan di di mas grandi. Puerto Ordaz ta keda kaminda e riunan Caroní i Orinoco ta bini huntu i su industrianan prinsipal ta heru, stal i aluminio. Pa biahero rekreativo Puerto Ordaz ta ofresé hopi parke di naturalesa, manera Parque de la Llovizna, un isla presioso den e riu Caroni ku hopi choro i waterval i  tambe Parque Cachamai ku aselarashon di koriente spektakular di e Riu Caroni. Mester mira Angel Falls, e waterval inenterumpi di mas haltu di mundu (979 m) ku ta keda aproksimadamente 260 km di Puerto Ordaz (un buelo di 50 minüt).

 

Kampaña di ret, preisnan di introdukshon i skèdjel di buelo

Komo parti di e kampaña international di ret di un mion florin ku resientemente a wordu lansa, InselAir ta promové Kòrsou pisá na Manaus i Puerto Ordaz. Ta usa diferente kanal, manera media lokal (radio, televishon i korant), social media i online marketing. InselAir ta ofresé buelo di Kòrsou pa Puerto Ordaz kuminsando for di ANG 346. Tur preis ta ida i buelta i ta inkluí impuesto di gobièrnu i no ta inkluí impuesto di aeropuerto di Kòrsou. Lo bula ku un MD i segun e siguiente skèdjel. Tur ora ta ora lokal.

 

Flight#	Departure Curacao	Arrival Puerto Ordaz	Days
7I 641	08:45 PM	09:40 PM	djamars, djasabra
Flight#	Departure  Puerto Ordaz	Arrival Curacao	Days
7I 642	06:50 AM	08:45 AM	djárason, djadumingu