komo parti di RBC Blue Water Day 2015

Willemstad – Riba Blue Water Day 2015 RBC a entregá e chèk na Carmabi pa e realisashón di e Marine Education Center (MEC). Riba e dia aki Almerina Rodrigues (Area Vice President Personal Banking) i Russell Kopke (Area Vice President Business Banking) a entregá e chèk di 5000 ANG na Paul Stokkermans, direktor di Carmabi.

Marine Education Center (MEC) ta un museo di naturalesa históriko kaminda tin tur kos di bida bou di awa. MEC ta situá den e edificio di Carmabi na Piscadera. E Marine Education Center aki ta intenshoná pa skolnan i ta forma parti di un programa edukashonal marítimo mas amplio, kual ta kuminsa ku lèsnan na skol tokante ref di koral i ta finalisá ku un bishita na Carmabi pa un presentashon di ref di koral, un practicum i un bishita na MEC.

E promé skolnan lo kuminsá den sèptèmber. MEC lo ta habri pa públiko grandi tambe for di yüli . Awor aki MEC lo ta habrí pa públiko grandi solamente den siman for di 2 or di atardi. Na lugá di kobra pa entrada, ta pidi bishitantenan di MEC  pa koperá ku un kontribushon finansiero chikitu. Direktor Stokkermans a laga sa ku e ta sumamente gradisido na RBC pa nan kontribushon.