Federashon di Futbòl Kòrsou (FFK) i nos selekshon nashonal di futbòl bou di guia di Patrick Kluivert ta yama danki na pueblo di Kòrsou i prinsipalmente e 9000 fanátikonan ku a yena Stadion Ergilio Hato pa e sosten ku nos a risibí pa e wega kontra Cuba djarason último. Un danki spesial tambe ta bai na tur medio di komunikashon pa nan kobertura durante hinter e temporada aki, danki na tur spònser, instansianan i un i tur ku a kolaborá pa un anochi eksitoso. E delegashon di Kòrsou lo sali awe, 12 do yuni tra’i mèrdia ku charter di Insel Air pa Havana Cuba i nos selekshon ta keda den Hotel Melia na Havana Cuba. E charter di Insel Air ta bai yen yen ku 81 persona abordo miéntras ku tin mas fanátiko ku a bai ku otro aeriolinia pa sostené nos ekipo na Cuba komo e number 12! Djadumingu awor pa 4’or di atardi nos lo tin e segundo kompromiso aya na Havana Cuba kontra e selekshon di Cuba den stadion Pedro Morrero i pa djaluna awor nan lo bin Kòrsou bèk ku e triunfo pa nos sigui pa e siguiente buèlta. E hungadónan ku lo biaha pa Cuba awe mèrdia ta lo siguiente;
- Germaine Agustien
- Shanon Carmelia
- Elson Hooi
- Luidjino Hoyer
- Gino van Kessel
- Darryl Lachman
- Michaël Maria
- Rhu-Endly Martina
- Quinten Martinus
- Shelton Martis
- Vidarell Merencia
- Rihairo Meulens
- Dustly Mulder
- Gevaro Nepomuceno
- Jeremy de Nooijer
- Zeus de la Paz
- Jonathan Richard
- Prince Rajcomar
- Eloy Room
- Rowendy Sumter
Charlton Vicento - Jason Wall
- Felitciano Zschusschen
- Gino van Kessel
E staf ku lo kompaña e hungadónan ta lo siguiente:
- Remfis Donker (hefe di delegashon)
- Carlo Tosi (fysio)
- Mirano Carhillo (entrenadó físiko)
- Clinton Leocadia (masahista)
- Robert Duncan (masahista)
- Frank Zaal (team manager)
- Wallid Elhage (dòkter)
- Reynold Mercera (asistente direktor tékniko)
- Sherwin Martina (material)
- Etienne Siliee (direktor tékniko)
- Henri Stomp (entrenadó di portero)
- Patrick Kluivert (direktor tékniko)
Danki un biaha mas pa e sosten risibí i nos ta konta ku bo sosten djadumingu 14 di yüni, 4or durante nos segundo enkuentro ku Cuba pa e weganan di eliminatorio pa mundial Rusia 2018!