WILLEMSTAD – Fun Street Lottery, e kampaña di loteria eksitoso di Fun Miles, a konosé su di dos kaya ganadó: Kadushistraat na Sta. Rosa. Un biaha mas e trùk enorme koló kòrá ku hel di Fun Miles a drenta e kaya ganadó, animá pa MC Chris Strick i DJ RO1. Na e di dos entrega di premio di Fun Street Lottery a regalá e partisipantenan den e kaya hopi premio. Lo tin un sorteo mas na fin di yüni, pues ta konsehá miembronan di Fun Miles ku no tin nan lòt digital ainda, pa buska esaki online mas pronto ku ta posibel na funmiles.net.

PREMIONAN DI KAYA I DI PARTNER

E miembronan di Fun Miles partisipante na Kadushistraat tur a risibí nan parti di e premio di kaya. Tabata trata aki di un total di 250.000 Fun Miles, kada un di e 25 ganadornan a gana no ménos ku 10.000 Fun Miles! Ademas, Desiree Adoptie tambe a gana tur e premionan opsekio di partnernan di Fun Miles: un bòn di regalo di Albert Heijn na balor di 1.500 Florin i un bòn di regalo di WIMCO na balor di 1.500 Florin.

SIN LÒT NO TIN PREMIO

Un gran kantidat di e miembronan di Fun Miles bibá den e kaya a keda sin por a partisipá den e premionan. Esaki ta prueba ku un karchi di miembresia di Fun Miles so no ta sufisiente pa partisipá na e loteria aki. Ta nesesario pa buska un lòt digital i aktualisá bo datonan personal na funmiles.net. Esaki ta lihé, fásil i kompletamente grátis, pero sinembargo hopi importante, pasobra sin lòt bo no tin chèns di gana e pakete enorme di premio.

MAS INFORMASHON TOKANTE FUN MILES?

Tuma kontakto ku Fun Miles su sentro di kliente na 465 3300 òf bishitá funmiles.net òf facebook.com/funmiles.