Manera ya nos a anunsiá, e aña aki Wabi Club Curaçao ta para ketu na e hecho memorabel di 50 aña di eksistensia i ta selebrá esaki den gran forma. E promé aktividat lo ta un grandioso family day dia 27 di yüni próksimo na Hòfi Bill kaminda lo bai tin un sukulento barbeque, rifa di algun premio fabuloso manera pasashi i karchi di entrada pa CNSJF 2015 i un bar bon surtí. Naturalmente diferente di e outonan klásiko lo ta di prònk den e hòfi. Tur hende ta keda kordialmente invitá pa bin gosa di e dia di famia aki for di 11’or di mainta te 10’or di anochi i atmirá e presiosidat di outonan. Karchinan ta na rason di Nafls 17,50 i ta na benta serka tur miembro i na porta. Pa mas informashon por yama 529-WABI (529-9224)